Pachia nynh laephi hynh eih a sungsah keiccuze a Ccapaw lu kheit kyalyapaw kha oun pya; tukeiccuze amaw a zynpaw miakaw tuh chih van lan khyh zat zungzae hiinaw a hoi cih.

"Cceih oh lah minphuin hae balyn kha ka zuitu lang la rae oh, Paaw, Ccapaw te Thyaa Muisaw min te Baptisma la pya oh. Kaw kae pya oh paw balyn kha a zui nawlan hae la ccapah oh" (Mtt. 28:19-20), cite Jesuh nynh nawpaw rya lepaw lyngkhonaw lang E&M tuh thadyng athua.

Nopi hae nynh muihsaw lante, Khriccaw innbyng dooih thyanaw te ccawno dooih thyanaw kya lethongnaw hae sah (Titus 2:3-5) cite Pachia bya nynh oun rypya hawte, Women Ministry tuh nopi hae nynh Pachia ryalaw lawnaw lang thadyng athua.

Mino hae nynh muihsaw te pyngsaw kya dosuinkupaw athua khonaw lang hae (1Tim 4:12) Pachia bya nynh oun ccanpya hawte Youth Ministry tuh Mino hae nynh Pachia ryalaw a law khonaw lang hae thadyng athua.

Imua nynh a zui lanpaw laan dingpaw kha ccangpah lah, he yn piccan te tuin kyate cceihsei vae lang khyh (Phongtangbya 22:6) cite Pachia bya a um hawte Imua hae nynh Pachia laanding zuinaw lang ccapya khy lang Children Ministry tuh thadyng athua.